🧑‍🏫 دليل المدرّس

1📝 اعمل حساب مدرّس

• من «حساب جديد» اختار نوع الحساب «شارح / مدرّس» وعبّي اسمك وإيميلك ورقمك وجامعتك.
• بعد التسجيل، الإدارة بتراجع طلبك وبتعتمده — بيوصلك إشعار «انقبلت كمدرّس».
• لحد ما ينعتمد حسابك بتقدر تتصفح المنصة، بس ما بتقدر تنشر.

💡 اكتب نبذة عنك (تخصصك وخبرتك) — الطلاب بشوفوها بصفحتك العامة وبتزيد ثقتهم.

2🧭 ادخل على لوحة المدرّس

• بعد تسجيل الدخول اكبس «لوحتي» فوق — حساب المدرّس بيفتح «لوحة المدرّس» مباشرة (app.jamaatna.com/teach).
• فوق بتلاقي دوراتك، وتحتها «👤 صفحتي العامة ونبذة عني»، وزر «➕ دورة جديدة».
• كمان بتشوف أرباحك، تقييمك، أسئلة الطلاب اللي بتستنّاك، والمواد اللي الطلاب بطلبوها.

3➕ اعمل دورة جديدة

• اكبس «➕ دورة جديدة» واكتب اسم الدورة بس (مثال: تشريح الجهاز التنفسي — تمريض).
• المنصة بتعمل «الوحدة الأولى» لحالها وبتفتحلك شاشة الرفع فورًا.
• الدورة بتضل «مسودة» ومش ظاهرة للطلاب لحد ما تنشرها.

4🎥 ارفع الفيديوهات

• من «🎬 ارفع فيديو» اختار الوحدة واسحب فيديو أو أكثر مرة وحدة — كل فيديو بيصير درس باسمه.
• خلّي الصفحة مفتوحة لحد ما يخلص الرفع (بتشوف النسبة %).
• بعد الرفع الفيديو بيتجهّز دقائق: بتشوف «⏳ قيد التجهيز» وبعدين «✅ جاهز».
• بدك وحدة جديدة؟ اختار «➕ وحدة جديدة…» من القائمة وانت بترفع.

💡 صوّر أفقي (عرضي)، بصوت واضح وبدون ضجة، وقسّم الشرح لفيديوهات 10–25 دقيقة — الطلاب بكمّلوا أكثر.

5📎 ضيف سلايدات وملفات PDF

• تحت كل درس اكبس «📎 ارفع ملف»: PDF، صور، Word، PowerPoint، Excel (لحد 40 ميغا).
• الـ PDF والصور بتنعرض للطالب داخل المنصة بعلامة مائية باسمه، وما بتنزل إلا إذا فعّلت «اسمح للطلاب بالتحميل».
• ملفات Word وPowerPoint بتنزل للمشتركين بس — للحماية الأحسن حوّلها PDF.
• بدك درس كله ملف بدون فيديو؟ من «+ درس» اختار «📄 ملف PDF».

6📝 اعمل اختبار (زي جوجل فورم)

• تحت الوحدة: «📝 + اختبار» ← «🧩 اعمل الاختبار بالمحرر»: سؤال سؤال، اكبس الدائرة جنب الجواب الصحيح، وضيف شرح.
• أو الصق أسئلتك كنص: السؤال بسطر، والخيارات تحته بـ - للخطأ و * للصحيح (أو أ) ب) ج) وتكتب «(صح)» آخر الصحيح).
• بعد الحفظ بتقدر تعدّل، ترتّب، تحذف، «⏸️ توقّفه مؤقتًا» أو تحذفه نهائيًا من «✏️ محرر الاختبار».
• المحرر بورجيك نسبة الطلاب اللي جاوبوا كل سؤال صح — إذا نسبة سؤال واطية كثير، غالبًا الجواب الصحيح مكتوب غلط.

7✨ خلّي المنصة تساعدك (ذكاء اصطناعي)

• «✨ ولّد أسئلة تلقائيًا»: اختار ملف PDF من دورتك أو الصق شرحك، وبتطلع أسئلة جاهزة بالمحرر — راجعها قبل ما تشغّلها.
• «📘 ملخص جامعاتنا»: من ملف المادة بتكتبلك المنصة ملخص شامل أو دليل دراسة ومنهاج أو مراجعة ليلة امتحان، بتعدّله وبتنشره كدرس.

💡 هاي الميزات بتشتغل لما الإدارة تفعّلها — إذا ما ظهرت عندك، يعني لسا مش مفعّلة.

8✅ «دورتي جاهزة؟»

• بصفحة الدورة في قائمة فحص: 3 دروس، درس مجاني، وصف، غلاف، ملف PDF، اختبار، المادة، والجامعة.
• جنب كل نقطة ناقصة كبسة «زبّطها ←» بتوديك عليها.

9🎯 حدّد لمين الدورة

• من «الإعدادات المتقدمة ← لمين الدورة؟» اختار المجال (طب، هندسة، قانون…)، المادة، والجامعات والتخصصات.
• كليتك أو تخصصك مش موجودين؟ ضيفهم من نفس المكان واختار الفرع الصح — الدورة بتنربط فيهم فورًا.
• هيك بتظهر دورتك بصفحة الجامعة والتخصص وبـ«مواد تخصصك» عند الطلاب.

10💰 السعر والوصف والدرس المجاني

• من «تفاصيل الدورة» حط السعر بالدينار (0 = مجانية) ووصف قصير يقنع الطالب.
• علّم درس أو درسين «معاينة مجانية» — الطالب بيجرّب قبل ما يدفع، وهاد بيزيد البيع كثير.

11✂️ اقسم الدورة: ميد وفاينل (اختياري)

• من «تفاصيل الدورة» فعّل «اقسم الدورة: ميد وفاينل» وحط سعر الميد لحاله وسعر الفاينل لحاله.
• جنب اسم كل وحدة اختار «📗 ميد» أو «📕 فاينل» (الوحدات العامة بتنفتح للجزئين).
• الطالب بيشتري الدورة كاملة أو جزء، واللي معه جزء بيشتري التاني وبتصيرله كاملة.
• بدك تجذب طلاب؟ من «🎟️ كوبونات» اعمل كود «🎁 الميد مجاني» — الطالب بيكتبه بصفحة الدورة وبينفتحله الميد ببلاش.

12🚀 انشر الدورة

• أول ما يصير فيها درس واحد على الأقل، اكبس «🚀 انشر الدورة» — بتظهر للطلاب فورًا.
• بتقدر تضيف وتعدّل دروس بعد النشر عادي.
• بداية فصل جديد؟ «📋 انسخ الدورة لفصل جديد» بتعملك نسخة بكل المحتوى بدون الطلاب.

13🎟️ كوبونات خصم لطلابك

• من «🎟️ كوبونات خصم» اعمل كود (مثال AHMAD20) بنسبة خصم وعدد استخدامات ومدة.
• الكوبون بيشتغل على دورتك بس، والخصم بينحسب من حصتك أنت.

14📣 تواصل مع طلابك

• «📣 إعلان لطلاب الدورة»: بيوصل إشعار لكل المشتركين وبيضل ظاهر فوق الدروس.
• أسئلة الطلاب تحت الدروس بتوصلك إشعار، وجوابك بيعلّم السؤال «محلول».
• «👥 طلاب الدورة وتقدّمهم»: مين خلّص قديش، علاماتهم بالاختبارات، ومين ما رجع من فترة.

15🏦 بنك الأسئلة

• إذا دورتك إلها «مادة»، إلك بنك أسئلة للمادة: ضيف أسئلة بالجملة وراجع الأسئلة اللي بيضيفها الطلاب.

16💸 أرباحك

• كل اشتراك مدفوع بدورتك بينضاف لمستحقاتك حسب نسبتك بالاتفاقية، وبتشوفها بلوحة المدرّس.
• الإدارة بتحوّلك المستحقات حسب الاتفاقية.